www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertsuak
Manex Etxamendi
1895-1954, 1972

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Antzerkia, Lauaxeta (Jon Kortazarren edizioa). Euskal Editoreen Elkartea, 1990

 

  hurrengoa

AMERIKETATIK URTE ON

 

                Airea: Ikusten duzu goizean.

 

Sortu gintuzun holetan

Gu iragan denboretan,

Gero ezarri txoretan.

Asko aldiz, ai, ama maiteak

Mantenatu bularretan,

Atxikirik besoetan,

Aitak ere belaunetan,

Gero fite haztekotan.

 

Hazi gintuzun gazterik,

Aita-ameri gostarik,

Ez, hortaz ez dut dudarik.

Ez dugu kausitzen guk heiekin

Bizi egunez hoberik,

Ez eta hoien parerik,

Nahi ez ukan mainarik,

Zeren garen pobretarik.

 

Hortakotz diot egia,

Zeren den gauza argia,

Guretzat dela legia:

Aste guzia lanian artzia

Irabazteko ogia,

Begiratuz zuhurtzia,

Iragaiteko bizia,

Aita-amez orroitzia.

 

Aita'amez gare orroitzen

Eta begiak bustitzen

Urrun gaigira kausitzen.

Gur'haurrean hek bazakiten

Bai gure ongi altxatzen,

Etsenplu onen emaiten;

Gutaz ziren urrikaltzen.

Eskerrak ditut bihurtzen.

 

Aita-amek pena asko

Jasan dute guretako,

Bai gure ongi hazteko.

Urte on deiet desiratzen ta

Jeinko onak laguntzeko,

Osasun on emaiteko,

Luzaz bizi-arazteko,

Gero zeruan biltzeko.

 

Ama Birjina maitia,

Gutaz miserikordia!

Atxik guri bertutia.

Aita-ameri eta umeri

Nasai iguzu grazia:

Uroski gure bizia

Iragaiteko guzia,

Gero zeruko loria.

 

Kalifornian 1895'eko
urte berriz eginak

 

  hurrengoa