www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Giristino legea laburzki
Laurent Diharasarri
1892

      [liburua osorik RTF formatuan]
      [Literaturaren Zubitegia]

 

Iturria: Giristino legea laburzki, Laurent Diharassarry. Lasserre Baithan, 1892.

 

 

aurrekoa hurrengoa

 

GURE AITA

 

        Gure Aita, zeruetan zarena:

        Erabil bedi sainduki zure izena,

        Ethor bedi zure erresuma,

        Egin bedi zure borondatea zeruan bezala lurrean ere.

        Iguzu egun gure eguneko ogia,

        Barkha zagutzu gure zorrak, guk gureganat zordun direneri barkhatzen dioztegun bezala,

        Eta ez gaitzatzula utz tentamendutan erortzera,

        Bainan begira gaitzatzu gaitzetik.

        Halabiz.

 

 

AGUR MARIA

 

        Agur Maria, graziaz bethea, Jauna da zurekin;

        Benedikatua zare emazte guzien artean, eta benedikatua da zure sabeleko fruitua, Jesus.

        Maria saindua, Jainkoaren Ama, egizu othoitz gu bekhatorosentzat, orai eta gure heriotzeko orenean.

        Halabiz.

 

 

SINHESTEN DUT

 

        Sinhesten dut Jainko Aita bothere duenaren baitan, zeruaren eta lurraren Kreatzailean;

        Eta Jesu-Kristo haren Seme bakhar Gure Jauna baitan;

        Zoin kontzebitu baitzen Izpiritu Sainduaren bertutez, sortu zen Maria Birjinaganik;.

        Pairatu zuen Pontzio Pilatusen manuaren azpian, gurutzefikatu zuten, hil zen eta ehortzi zuten;

        Jautsi zen ifernuetarat; hirugarren egunean jeki zen bizirik hilen artetik;

        Igan zen zeruetara, non jarria baitago Jainko Aita guziz botheretsuaren eskuinean;

        Handik ethorriko da bizien eta hilen jujatzera.

        Sinhesten dut Izpiritu Sainduaren baitan;

        Eliza Katholiko Sainduan, Sainduen phartaliertasunean;

        Bekhatuen barkhamenduan;

        Haragiaren piztean;

        Betiere iraunen duen bizitzean.

        Halabiz.

 

 

FEDEZKO AKTA

 

        Ene Jainkoa, sinhesten ditut, zinez eta ene bihotz guziaz, Eliza Katholiko Apostoliko Erromanoak sinhesten eta irakasten dituen gauza guziak, zeren zuk, egia bera zarenak, irakatsi baiterazkotzu.

 

 

ESPERANTZAZKO AKTA

 

        Ene Jainkoa, esperantza dut, sinheste fermu batekin, emanen derautazula, Jesu-Kristoren merezimenduen bertutez, mundu huntan zure grazia, eta, zure manamendueri jarraikitzen banaiz, bertzean zure loria, zeren hitzeman baituzu eta baitzare zure hitzetan osoki leiala.

 

 

KARITATEZKO AKTA

 

        Ene Jainkoa, maite zaitut ene bihotz guziaz eta gauza guzien gainetik, zeren baitzare guziz ona eta osoki maitagarria: maite dut halaber ene laguna ene burua bezala zure amoreagatik.

 

aurrekoa hurrengoa