www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertso guztiak
Bilintx
(-1876)

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bilintx. Indalecio Bizkarrondo. 1831-1876. Bizitza eta bertsoak, Bilintx (Antonio Zavalaren edizioa). Sociedad Guipuzcoana de Ediciones y Publicaciones, 1978

 

aurrekoa hurrengoa

Somaketa

 

Nere bata ta biya da

somatzen errexa dana,

bara zerorrek dauzkatzu

esku bakoitzian bana.

Bata ta laba da berriz

Gipuzkoa'ko erri bat,

zeñetan arkitutzen dan

beste iñon ez dan arri bat.

Nere iruba ta laba

berekiñ daukan diruba,

ontzat artzia erozeñek

ez da gauza seguruba;

batez ere baldin bada

baliyo aundiko moneda,

ez du gutxik galdetuko

«Au gero fiña ote da?

Ez da txit katolikua;

zer derizkitzu, Inaxi?»

«Neri? Faltsua derizkit».

«Eta zuri, andre Graxi?»

«Arrira bota zazu ta

soñuba egiñ-arazi;

ez badu soñuba fiña,

ganbiyatutzen ez asi.»

Iruba eta bigarrena

da gizonaren desditxa,

ala pegatzen zaiona

nun balitzake tximitxa;

pegatzen da txit errexa,

apartatutzen txit gaitza;

alako asko izatetik

Jaungoikuak libra gaitza.

Zer afariya!! Ogiya,

botilla bat ardo eder,

ta ongi jarriyak lautxo bat

nere iruba bi bider.

Batari eta biyari

laugarrena itxeki-ta,

beste asko're bai baño

donzella da txit polita.

Eta da nere guziya

desiatuba, gauz ona;

indartsu arkituko da

berekiñ naukan gizona.

 

            * * *

 

Somaketa onentxen itza,

—saiatu zaitezte denak—,

propina asko izango du

zer dan asmatzen dubenak.

Logratzen duben arentzako

daukazkit siñalatubak

loteriyako lau billete...

—oraiñ bi urte artubak—.

 

                                              Bilintx

 

 

            * * *

 

        Ez det jarri Bilintx ori, somaketa neronek sortuba

dan patxandiyaz.

        Zer erregalua!! Baizik eta jarri det, asmatzia logratu

duben arrek jakin dezan norengana biar duben giyatu,

menturaz nai balu egin billete oien jabe. (1)

 

                Teatroko dendan,

                zeiña ikusten dan

                aspaldi guziyan

                kale nagusiyan,

                aurreko etxearen

                etxe eder aren

                beraren onduan,

                paper abek duan

                an ematen dira;

                ez iritzi mira,

                ez milagro egiñ,

                egiya da berdiñ.

                Eta balitz norbait

                badakanik zerbait

                duda gauz orretan,

                bijua ta bertan

                artuko du proga

                au ez dala droga,

                baizikan egiya,

                ta egi garbiya.

                Bara au diyonak,

                konseju txit onak

                txiki-txikitandik

                gurasuakgandik

                artubak izan-ta,

                ez daki saiatzen

                iñor engañatzen

                gezurrak esan-ta.

 

                        (1) Inoxente-egunian emango diyozkat.

 

aurrekoa hurrengoa