www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Katexima labürra
Athanase Belapeire
1696, 1983

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Catechima laburra eta Jesus-Christ goure Ginco Jaunaren eçagutcia, salvatu içateco, Athanase Belapeyre (Jean Jouis Davanten edizioa). Euskaltzaindia, 1983.

 

 

aurrekoa hurrengoa

HEREN KAPITÜLIA

Andre Dana Mariaren Anonziazioniaren.
Martxoaren 25.

Aitzineko igantian erran behar da,
baita bestan ere

 

        G: Zoin besta dügü daigün egün?

        I: Gabriel aingürü dohatsiak Maria Birjina saintari berria eman zerionarena, haur Jinkoaren ama zatiala.

        G: Zergatik haur dülüratü zen aingüriaren berri honen enzütian?

        I: Zeren honek ezagützen baitzian, etziala merexi hain ohore handi bat.

        G: Zergatik orano?

        I: Birjina egiazko bat bethi erreus da, zerbait gaiza goraren ikhustian eta enzütian.

        G: Birjina saintak zoin berthüte ager erazi zütian misterio hontan?

        I: Xahütarzün miragarri bat, gogatü nahi gabez Jesüs-Kristen ama izatiaren ohoriaren ükheitera, beldürrez hala hert lakion bere xahütarzüna.

        G: Orano zoin berthüte?

        I: Fede eta sinheste oso bat erakutsi, aingüriari zioionian: zure hitza egin bedi nitan.

        G: Zer heltü zen oren hartan?

        I: Jinkoaren semia haren sabelian aragistatzen zen.

        G: Zer da aragistatzia?

        I: Hartzia gizonaren korpitza bezalako baten, guria bezalako ere arima beteki: eta hitz batez gizonzia.

        G: Beraz Jinkoak nahi zian, hura goga ladin gure salbazaliaren gizonziari.

        I: Bai.

        G: Zergatik?

        I: Amorekatik Mariaren sinhestiak, Ebaren sinhetsi gabiaz Jinkoari züzen egin lizon.

        G: Ebaren, eta Mariaren artian zer üdüri edireiten düzü?

        I: Onsa handi bat ageri düzü misterio hontan.

        G: Nola?

        I: Aingürü gaisto batek therritatü dü Eba, eta aingürü dohatsü batek ohoratü dü Maria.

        G: Zer da gehiago?

        I: Deebriak therritatürik Eba, honek Jinkoaren debetia hausten dü; eta Mariak hura begiratü aingüria sinhetsirik.

        G: Eta zer orano?

        I: Ebak Adami ezkenzen derio herioaren frütia, eta Mariak biziaren frütia emaiten derikü.

        G: Azkenekoz zer?

        I: Ebak hasten dü gure galzia; eta Maria da gure salbamentiaren hatsarria.

        G: Hortik zer idoki daite?

        I: Hala nola Jesüs-Krist baita Adam berria; berhala Maria dela Eba berria.

        G: Eba hitz honek zer erran nahi dü?

        I: Bizi ororen ama.

        G: Zoin da beraz Eba egiazkoa, eta bizi güzian ama egiazkoa?

        I: Birjina dohatsia.

        G: Hanitz ügürükiteko dügia honen othoitzetarik?

        I: Bai düda gabe.

        G: Egün harganik zer ikhasteko dügü?

        I: Jesüs-Kristen errezebitzeko, nola adelatü behar dügün.

        G: Zer da hori?

        I: Xahütarzüna, eta hümilitatia: milatan lehen hil, eziz gogo theyürik ükhen, Jesüs-Krist hartü behar dügünian, ez eta ondoan.

 

aurrekoa hurrengoa