www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Amandriaren altzoan
Julene Azpeitia
1961

      [liburua osorik RTF formatuan]
      [Literaturaren Zubitegia]

 

Iturria: Amandriaren altzoan, Julene Azpeitia. Kuliska Sorta, 1961.

 

 

aurrekoa hurrengoa

71
IRUTASUN EDO TRINIDADEA

 

        Algorta'n dago konbentu eder bat Trinitarioak izena duten prailliena. Euskeraz egiten dutenak Trinidadeko konbentua esaten diote. Kale bat ere bai dago Trinidade Santuaren kalea izentzat duana.

        Garizuma baten, Berango'ko mutill bat juan zan aitortzera Algorta'ko San Nikolas eleizara, eta konpesatu ondoren abadeak kristau ikasbidea ote zekian jakitearren, galdetu zion:

        —Zenbat pertsona dagoz Trinidadean?

        Eta mutillak beriala, ezta-baita gabe erantzun zion:

        —Ogeitabos, jauna, eta geure amak garbituten deutsie erropia.

        Abadeak igerri zion zer esan nai zuan eta esan zion:

        —Zuk, Trinidade konbentuko prailleak esan gura dozu; baña nik ez deutsut ori itandu gura izan, Trinidadean zenbat pertsona dagozan esan deutsutanean.

        Eta mutil azkarrak beriala

        —Zer ba, prailleak ez direz pertsonak ala?

 

aurrekoa hurrengoa