www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Parnasorako bidea
Eusebio Maria Azkue
1896

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Parnasorako bidea, Eusebio Maria D. Azkue (R.M. Azkueren edizioa). Astuitar Moldagintza, 1896

 

aurrekoa hurrengoa

VI. ZIRI-BERTSOAK

 

        I. Epaia

Kanarioak, ta jilgeroak... biztuak,

kezkea euken euren kantean... ganean;

entzun da gero kantu guztiak...

idiak erabagi eban, zer uste dozu?... Mu-u-u.

 

        II. Andrak eta gizonak

Andrak galduta dauke mundua

eta gizonak andren burua:

alan galduta dagoz gizonak

        mundu ta gonak.

 

        III. Txanton

Errian dago gizona gorra

eta kalean ibilten sorra;

zein garizuman ezta aspertuten

        sermoi entzuten.

 

        IV. Gizon ian gitxikoa

Ikusi dot Joan Martin

iaten lapiko biak

eta oilasko andiak

eta libra bat izokin.

Baina ardaorik ezeban

artu nai bitartean,

ze ian-erdira artean

egarri ezeizan.

 

        V. Iru ta bat

Ezin, dino Ioan Pedrok,

buruan sartu iat,

gauza bat izatea

batera iru ta bat.

Neure emaztea, Markos

asi zan esaten:

demonino ta mundu

ta aragi da baten.

 

        VI. Katua ta eskribaua

Katu batek erpakaz

eskribau bat ausoa

zauritu eban gaisoa

ogei urrakadaz.

Eskribauak suturik

esan eutsan, laguna,

lapurtzar erpaduna,

zer darabilzu itsurik?

 

        VII. Medikuzko zubia

Arimea mundurik

doianean bestera

ez etorteko atzera,

aingeruak eskurik

daroe beti aurrera.

Eta bilatuten dau

eginik bide-erdia,

Medikuzko zubia

ta igarota zubiau

penak edo gloria.

 

        VIII. Ioane

Bart neugaz afaldu ta

oira pozik ioian

Ioane; baina gaur ilik

bilatu dabe oian.

Ezegoan gaisorik;

baina ames egin dau,

erriko medikuak

dabela bisitau.

 

        IX. Eskribaua, andrea ta atso zaarra

Eskribauen egia

eta andrean negarra

eta isila atso zarra...

guzurra guztia.

 

        X. Gaurko iakituria

Bits utsa da, Sebero,

gaurko iakituria:

begirako, mendia;

aizea, ukutuezkero.

 

        XI. Eskribauai

Lumakaz zerurantza

txoria doa artez,

ta Eskribaua infernura

lumean bitartez.

 

        XII. Guzur-uledun bateri

Zeurea dala ulea

dinozu Marianton:

bai ze ezteutsula Ponsek

doan emon Bilbon.

 

        XIII. Medikua ta gaitxa

Medikua ta gaitxa

buztartuten dira

gaisoa eroateko

satorren errira.

 

        XIV. Medikuak

Medikuen guzurrak

gaiso-aurrean esanak

eta errakuntza danak

gordeten dituz lurrak.

 

        XV. Mediku bildurtia

Eltzen zanean mediku Iaun bat

Kanpo Santuen aurrean,

bere bitartez il zirealez

an egozanak lurrean,

estaldu barik bere arpegia

etzan egoten urrean.

 

        XVI. Bertsolari bat

Egiten dodanean

neurtu ta koplarik

asko dagoz kopletan

eta neurri barik.

Neure koplak dira onak

silutegirako;

baina neurri bakoak

garizumarako.

 

aurrekoa hurrengoa