www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Aldizkarietan argitaratuak eta beste
Felipe Arrese Beitia
1880-1905, 1999

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Idazlan guztiak, Felipe Arrese ta Beitia (Itziar Urrutia Zorrozuaren edizioa). Bizkaiko Foru Aldundia / Otxandioko Udala, 1999

 

 

aurrekoa hurrengoa

Ama Birjiña Aranzazukoaren
laguntasuna

 

                        Nere adiskide on Manuel Antonio Antia,
                        Urnietako erretore jaun begiraungarriari

 

Gerrara zoaz seme maite ta,

Ez aztu ama tristiaz,

Eraman zazu nere biotza,

Bat egiñikan zuriaz;

Badakit nola burrukarako

Zoazan biotz aundiaz,

Eskuda zazu jaioterria,

Ill arteraño burniaz.

 

Zoazkit ondo, gerrara bañan,

Gero poz eman, nork niri?

Ill ote zeran esnatuko naiz

Sustoz goizetan beti ni;

Tori semetxo, muñ eiñda jantzi,

Eskapulariotx'ori,

Goiz eta arrats errezatzeko

Ave Maria berorri.

 

Arantzazuko Birjiña Amaren,

Irudi ori kolkuan,

Nik ere dakart, eta zaitu nau

Beti premia orduan;

Zu ere berdiñ gorde zaitzala

Batalletako kanpuan,

Balen txistua baño besterik

Entzuten ez dan lekuan.

 

                * * *

 

—Banator ama, banator ama,

Gudatik sano etxera,

Pozaren pozaz, laztandu eta

Zerori besarkatzera;

Peleatu det garaitu arte,

Soldadu onak bezela,

Amar medalla dauzkan kapote

Zar oni galde bestela.

 

Eskapulari'onetxek, ama,

Bizirik nauka munduan,

Beronegatik, etxera nator,

Ikusten nazun moduan;

Bala batek beiñ joagatikan,

Bete betean petxuan,

Irristatu zan, zergatik balen

Kontra Mariak alduan.

 

Irudi onek ein zidalako

Mirari pare gabia,

Beroni utsik zor diogu gaur,

Degun atsegiñ aundia;

Orduan amak, beso biakiñ

Baturik bere semia,

Ots egin zuen «bizi dedilla

Aranzazuko Maria».

 

                        Euskal Erria, 1893,  XXIX

 

aurrekoa hurrengoa